Bin ich ene Epikureer ?

Nä, jo mer fott mit Epiktet,
dä Hunk, dä is mer doch zu blöd,
in minge Däts pass nur Lukrez,
weil dä hät och en Sinn für Feez.

Dat hann ich jän: „Wenn ich nix will,
dann bruch ich nit wie Ilsebill
mich flöck bekriesche wenn nix kütt.
däm, dä nix will, jeht nix verschütt.“

Dat is su jet vun extraschlau,
do drink ich leever ne Schabau
un söke wigger noh ming Loss,
un krich ich nix, hann ich Verdruss

un hann et ävver doch versök.
En staatse Kääl häld us un blök
nit rüm. Verleert hä mol e Spill,
dann säht hä „jod“ un is dann still.

Dä bruch för sing Ataraxie
kin kynisch-stoisch Apathie.
Dä fing sin jecke Eusthatie
un meededrin: Eudaimonie.

Prohairesis (Entscheidungsfähigkeit)
Ataraxia (Unerschütterlichkeit)
Eustháteia (innere Ruhe)
Eudaimonia (Glückseligkeit)
Apátheia (Beherrschung der Affekte)